Молитва по соглашению о строительстве храма
Молитва по соглашению о строительстве Храма пророка Божия Илии в Северном Бутове. Каждый вечер в 21:00 по Мск.
Текст молитвы:
Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их».
Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: помози нам, рабом Твоим, согласившимся просить Тя завершити строительство и благоукрашение святаго храма нашего.
Господи, пошли щедрых благодетелей, честных строителей, добрых тружеников для завершения всех начатых и предстоящих трудов. Здравие всем им и сродникам их подаждь, направи пути их к вечной жизни.
Управи все дела наши, Господи, в мире и спокойствии духа, молитвами Пречистыя Твоея Матери, честнаго славнаго пророка Божия Илии, святителей Христовых Николая Чудотворца, Спиридона Тримифутского, Иоанна Шанхайского, преподобных отцев наших Сергия Радонежского, Серафима Саровского, Амвросия Оптинского, благовернаго князя Даниила Московскаго, святыя блаженныя матери Матроны Московския и всех святых Твоих.
Исполни наши прошения, Господи, но обаче не якоже мы хотим, но якоже Ты. Да будет во веки воля Твоя. Аминь.
(1049)
